Siyano
Short for Probinsiyano.
Sabi ng iba ang mga siyano daw ay baduy o kaya naman ay tatanga tanga sa Maynila lalo na kapag unang beses nakapunta. Kumbaga, walang alam sa siyudad kasi nga lumaki sa probinsya kaya ano pa bang aasahan?
Madalas silang napapagtripan ng mga Manilenyo o di kaya naman ay niyuyurakan ang pagiging probinsiyano nila dahil dito sa Pilipinas, kapag probinsiyano ka eh tagabundok ka na din. Kahit galing ka pa sa Gitnang Luzon, tagabundok ka pa din.
Walang alam sa sibilisasyon ang tingin ng mga Manilenyo sa kanila. Pero ang totoo, sila talaga ang tunay na maraming alam lalo na yung mga nakapag-aral. Mapatungkol man yan sa eskwela o gawaing bahay, alam nila yan. Mas madiskarte pa nga minsan ang mga siyano kaysa sa tubong Maynila eh.